Geïnspereer deur die Zinkplaat liedjie “Gedigte vir Gesigte” het die band se jare lange vriend en ontwerper, Jan Solms ‘n vars idee vir die nuwe T-hemp ontwerp gehad.
Die band kon 9 mense identifiseer wat op een of ander manier die hulle beïnvloed het en hierdie persone se gesigte verskyn op die nuwe hemde.
Daar is tans ‘n kompetisie om so ‘n T-hemp en ‘n CD te wen. Al wat jy moet doen is om al nege name van die mense op die hemp reg te raai.
Inligting oor Zinkplaat se onlangse DisasToer is uiteindelik beskikbaar gemaak.
Die band (minus Beitel) het omstreeks 04:00 op die oggend van die 22ste Januarie saam met DPK se Nicol v/d Berg in die berugte DPK Camper na die Noorde vertrek.
Volgens die groep het alles vlot verloop en het die Camper baie goed gedoen tot so net duskant Willowmore, toe hy eweskielik oorverhit het en die enjin amper aan die brand geslaan het.
Die Camper is toe vir ‘n astronomiese bedrag agter op ‘n rollback trok gelaai en van Colesberg tot in Johannesburg gesleep. Gelukkig kon die band lekker agter in die camper kuier sonder dat iemand hoef te bestuur het.
Gelukkig was die gig by Sonop se Joolparty in Tuks baie lekker so tussen die krokodille en volstruise deur.
Op pad terug het die band egter hulle vlug gemis.
Almal is egter nou weer veilig terug in Stellenbosch.
Zinkplaat se derde single van “Musiek Uit Die Geraas”: Hondeklipbaai.
Die musiekvideo is ‘n maand terug in ‘n vervalle huis buit Stellenbosch geskiet, met vriende en familie wat almal cameos gemaak het. The Tidal Waves het ook in die video verskyn, en Jurgen Glansman het weens onvoorsiene gebeure, 7 ure laat opgedaag.
Dit is Zinkplaat se 7de musiekvideo en oudergewoonte het Stephanus Rabie direct en produce.
Zinkplaat se Musiek Uit Die Geraas album is vir ‘n Huisgenoot Tempo-toekenning vir Beste Afrikaanse Rock Album genomineer. Dankie vir almal wat gestem het.
Zinkplaat se Noordelike toer is gister aand in die vlerke gery toe hulle 1Time-vliegtuig deur weerlig getref is. Die vliegtuig moes omdraai en weer in Kaapstad kom land het.
Die rampspoedige toer, wat teen hierdie tyd “Die Thunder Struck-Toer” heet, moes ongelukkig gekanseleer geword het.
Die volgende gigs is afgestel:
- Back2Basix met Die Melktert Komissie
- Picasso’s (acoustic)
- Maloney’s met Revolusie
Ons vra onverskoning vir almal wat moeite gedoen het om by die shows te kom. Zinkplaat sal binnekort weer shows daar kom hou.
Zinkplaat was in Junie deel van die Ubutnoer II: Studio 1 episode, maar op die 1ste Augustus vat hulle aleen die studio oor om drie van hulle eie liedjies Live te speel.
Om deel van die Studio audience te wees kontak: Wilma.Smit@mnet.co.za
